Liewe Trigg Koffie-drinkers
Nee wat klink vir my die klomp SAUSSIES leef die Australiers uit daar in Perth. Dit gaan goed met ons. Ons skool sluit Vrydag en natuurlik kan die kinders en Skillie nie wag dat die vakansie moet aanbreek nie.
Marnel se karretjie het gister gebreek, so ek is op die oomblik die Taxi na Kovsies en dit is nou nogal prettig die kantoor in die kar-opset, want soms soos vanoggend het sy net 1 klas, 7h00 - 8h00 gehad en ek sien nie kans vir die oor en weer ryery nie, alhoewel dit seker maar so 8km is, nou sit en werk ek sommer vir daardie uur in die kar. Dit gaan ook met haar baie beter, verland sekerlik nog baie, maar hanteer dit net beter.
Ek is baie besig met die Bemarking. Het ook nou begin om ons haarprodukte aan Salonne te bemark en ons doen dit net elke Woensdag wat ons Salonne gaan sien. Saterdae is mos opleiding en die ander dae is dit Argilla. Argilla-spannetjie groei mooi, almal swart Bemarkers, hier en daar 'n wittetjie van Bloem, maar dit lyk tog of die ouens begin koppies optel en minder bedruk voel oor hulle situasie... en ook bietjie stem dikmaak. Moet se ek leer elke dag baie van die swartmense en hulle kulture en ek dink nogal daar is ook baie verwarring onder hulle, want die snaakste is mos die wittes probeer soos die swartes wees en by hulle tradisies inpas by "geleenthede" en hulle probeer weer by ons s'n inpas... soos wat dit nou die swart-tradisie is dat die man eerste inloop by 'n deur vir die veiligheid daarvan, loop die Witvrouens mos eerste... en ag ons lag ons eintlik dood, want nou lyk dit soos 'n trop skape wat bondel by die hek... ek kan eintlik nie eens die situasie vir julle beskryf nie, dis vrek snaaks om die spulletjie gade te slaan... wie loop wanneer. Maar ons maak nou maak 'n grap daarvan by ons opleidings en dinge, want ons is mos nou bewus daarvan.
Verder is hier nie veel nuus nie. Ons het heerlike weer, maar ek weet Perth se weer die tyd van die jaar voor die winter is ook mos heerlik, so ek kan julle nou nie eens jaloers maak daarmee nie. Ek dink ons herfsblare is meer en mooier... nee ek joke sommer.
Ek wil julle uitnooi as julle dalk vir vriende of familie hier SA wil bederf met Pottery of selfs Velsorg, Juwele ons pragtige Pewter, moet julle laat weet, dan kan ek dit aanstuur. Ons kan die betaling reel. Julle kan dit in my SA-rek. inbetaal as jy nog toegang het of in my Aus. rek, of julle kan met Delia reel. Argilla moet ongelukkig vir die kostes daaraan verbonde in stelle aangekoop word, want om een pot aan te stuur is te duur, tensy dit vir iemand in Bloemfontein is of op 'n plek waar ek Bemarkers het, en dit is close oor die hele SAfrika,
Ek hoop julle het 'n heerlike oggend saam en klink 'n koppie tee op die toekoms van ons almal!!! wat voorspoed, vrede, sukses en goeie gesondheid sal inhou vir 'n ieder en elk wat daar saam is!!!
Mis julle baie, maar geniet Bloemfontein net so baie, as wat ek Perth geniet het.
Ons reel alweer ons volgende groot Multi-dem vir 16 Mei, so tyd vir stilsit is hier glad nie. Ek is GEK oor my werk!!! en kan my volle potensiaal hier uitleef en God daarmee verheerlik!!!
Lovies
Hannari
